Terms — Niyam aur Shartein

SnapDost ek software seva hai jo Shree Siddhi Vinayak Communication, Sahaspur Lohara, Kabirdham, Chhattisgarh dwara chalayi jati hai. SnapDost ka istemal karke aap in niyamon se sehmat hote hain. Kuch samajh na aaye to Help Desk se poochhiye: +91 70891 41202 (WhatsApp).

1. Seva kya hai

SnapDost photographers (studio owners) ke liye hai — isme ek Studio App hai jisme events bante hain, photos upload hote hain, client selection, E-Album aur CRM chalta hai; aur aapke clients ke liye gallery link hai jisme woh apni photos dekhte, pasand (select) karte aur download karte hain.

2. Account aur umar ki shart

SnapDost sirf 18 varsh ya usse adhik umar ke users ke liye hai. Signup karte samay aap ye ghoshna karte hain ki aap 18 varsh ya usse adhik ke hain — bina is ghoshna ke account nahi banta. Account aapke mobile number aur OTP se banta hai. Apne number aur password ki suraksha aapki zimmedari hai; account se hone wala kaam aapka mana jayega.

3. Plans aur keemat

• FREE Trial — 15 din: signup par muft, saare features, 200 GB storage.
• Basic — ₹199/mahina: 100 GB storage. E-Album aur Face-search (AI) isme nahi hai.
• Elite — ₹299/mahina: 200 GB storage, E-Album aur Face-search shamil.
• Pro — ₹499/mahina: 500 GB storage, saare features.
• Storage Add-on: +100 GB ke ₹100/mahina (paid plan par, 30 din ke liye).

CRM (Customer, Quotation, Booking, Receipt, Kharcha, Reports) har plan me shamil hai — trial me bhi.

4. Payment ka tareeka — koi auto-renew NAHI

Payment manual hai: Plan page par diye UPI QR ko scan karke payment karte hain aur 12-digit ka UTR number bharte hain. Hamari team UTR verify karke aapka plan chalu karti hai — isme kuch samay lag sakta hai.

SnapDost me auto-renew nahi hai — hum aapke bank/UPI se khud paisa kabhi nahi kaatte. Plan ki avadhi (30 din) khatam hone par plan khud samapt ho jata hai. Uske baad aapka saara data, galleries aur client links bane rehte hain — sirf naye upload aur CRM band ho jate hain. Renew karte hi sab kuch phir khul jata hai.

5. Tumhari zimmedari

Jo photos aur data aap upload karte hain, unhe upload karne ka adhikar aapke paas hona chahiye. Client gallery ka data aapke event ka hai aur uski zimmedari event owner (aapki) hai. Seva ka istemal kisi gair-kanooni kaam ke liye nahi hoga.

💰 Refund Policy

• Duplicate ya failed payment me kata paisa wapas milega.
• Plan activate ho jane ke baad aam taur par refund nahi hota.
• Lekin galti se kata ya duplicate paisa hamesha wapas kiya jayega — chahe plan chalu ho gaya ho.

Refund ke liye Help Desk se sampark kijiye aur apna number aur UTR bataiye — jaanch ke baad rakam wapas karne ki prakriya shuru hogi: WhatsApp +91 70891 41202.

Sampark

Operator: Shree Siddhi Vinayak Communication, Sahaspur Lohara, Kabirdham, Chhattisgarh
Help Desk: +91 70891 41202 (WhatsApp par baat kijiye)